بیرەوەریەکانی عیزەت سلێمان بەگ بڵاو دەکرێنەوە 

 بیرەوەریەکانی عیزەت سلێمان بەگ بڵاو دەکرێنەوە 

زاری کرمانجی - سۆران 
سبەینێ چوارشەممە لە شاری ھەولێر، پەرتووکی شانێک بە بن باری نیشتیمانەوە، بڵاو دەکرێتەوە و دەکەوێتە بەردیدی خوێنەران، کەتێدا عیزەت سلێمان بەگ دەرگەڵەیی بەدەستی خۆی بیرەوەریەکانی نووسیووە لە دوو توێی پەرتووکێکی ٤٤٢ لاپەڕەیی بڵاو دەکرێنەوە .
کرمانج عیزەت، بەزاری کرمانجی راگەیاند: سبەی چوارشەممە رێکەوتی ٢٣-٦-٢٠٢١، لە هەولێری پایتەختی کوردستانەوە مەڕاسیمی بڵاوکردنەوەو ناساندنی پەرتووکی شانێک بەبن باری نیشتیمانەوە، بەڕێوەدەچێت، کە لەم پەرتووکە باوکی کۆچکردووم تەواوی  بیرەوەریەکانی بەدەستی خۆی نووسیووەو لە ساڵی ١٩٦٣ ، تاکو ساڵانی کۆتایی تەمەنی، پەرتووکەکە لە  ژێر ناونیشانی "شانێک بەبن باری نیشتمانەوە " ەیە.

کرمانج عیزەت گووتیشی : لەسەر وەسیەتی مام عیزەتی باوکمان ئەم پەرتووکەمان بەچاپ گەیاندوە، رووداو و بیرەوەریەکانی خەباتی پێشمەرگایەتی و ژیانی باوکم لەم پەرتووکە تۆمارکراون، بۆیەش سەرەتا هەولێرمان هەڵبژارد، چونکە هەولێر پایتەختی کوردستانەو تایبەت مەندی خۆی هەیە، مەڕاسیمەکەش فراوانە، خەڵک لەگشت پارچەکانی کوردستان بەشداردەبن، هەفتەی داهاتووش ئەم مەڕاسیمە لە سۆران بەڕێوەدەچێت و نامانەوێت خەڵکی ئێرە هیلاک بێت، بۆیە لە هەفتەی داهاتوو بۆ قەزاکانی دەڤەری سۆران لەشاری سۆران لە رێورسمێکدا پەرتووکەکە بڵاو دەکەینەوە.
لەکۆتاییشدا کرمانج عیزەت گووتی: ئەم پەرتووکە تیراژی ٢٠٠٠ دانەیە و لە ٤٤٢ لاپەڕە پێکهاتووە.
عیزەت سلێمان بەگ، لە ساڵی ١٩٣٢ لە گوندی دەرگەڵە لەدایک بووەو لە رێکەوتی ٣٠-١-٢٠٢١ کۆچی دوایی کردوو لە زێدی خۆی بەخاکسپێردرا.

 

 

 

زۆرترین بینراو