شێوەكارەك : سەرۆكێ‌ هندستانێ‌ داخوازا دروستكرنا وێنەیێ‌ خۆ ل من كر

شێوەكارەك : سەرۆكێ‌ هندستانێ‌ داخوازا دروستكرنا وێنەیێ‌ خۆ ل من كر

زاری كرمانجی – هەولێر : هونەرمەندێ‌ شێوەكارێ‌ بەرنیاسێ‌ كوردستانێ‌ ئازاد رەشید حەوێز ناسیار ب ئازاد تەنیا ددیدارەكێ‌ دا بۆ زاری كرمانجی  راگەهاند : سالا 1984 ێ‌ دەست ب كارێ‌ وێنە كێشانی كریە و ژبلێ‌ كارێ‌ وێنەكێشانی وەك ئەكتەر كۆ روولێ‌ سەرەكی هەبوویە پشكداری فلما بوویمە بەلێ‌ پتر خوە ل بوارێ‌ شێوەكاری دا دبینم.
گوتژی : ئەڤ كارێ‌ دكەم گەلەك دگەل ئارامم سالێن بەرێ‌ دەما دچوومە سەیرانا من وێنێن سروشتی دروستدكرن نیشان ددان خەلكی ژمن دكرین ئەو بوو ئەگەرەك كۆ پتر گرنگیێ‌ ب كارێ‌ خوەیێ‌ وێنە كێشانێ‌ بدەم وەك شێوەكار .
خویاكر : وێنەیا لسەر جادەیێ‌ دروست دكەم لەورا ژی شیامە جەماوەرەكێ‌ باش ل خو كۆم بكەم وێنە دروستكرنا رەش و سپی خواستەكا زۆر لسەر هەیە ژلایێ‌ وەلاتیان ڤە هەتا نوكە 57 كەنالێن ئاسمانی رومالا كارێ‌ وێنە كێشانا منا سەرجادەیێ‌ كریە ، دەستپێكی بۆ دەمێ‌ 18 سالا من وێنە ب رەنگ دروست دكرن بەلێ‌ پشتی وی دەمی من بریاردا ب تنێ‌ رەش و سپی وێنەیا دروست بكەم.
ئاشكراكر : ژبلێ‌ نافخۆیا كوردستانێ‌ وێنەیا بۆ هەموو نەتەوەیا دروست دكەم ئەو گەشتیارو مێڤانێن سەردانا كوردستانێ‌ دكەن دهێن داخوازا دروستكرنا وێنێن خۆ دكەن ، بۆ نموونە سالا 1996 سەرۆكێ‌ هندستانێ‌ وێنەیێ‌ خۆ بۆمن هنارد كۆ بوو دروستبكەم و د هەماندەمدا پشتی من وێنەیەكێ‌ هونەرمەندكازم ساهر دروستكری و دیتبووڤە ل دیدارەكا تەلەفزیونی دا سوپاسنامەیەك ئاراستەی من كر ل سالا 2000 ، ئێكەمین كەس نیمە ل كوردستانێ‌ بەراهیكا من هەبوونە بەلێ‌ هەتا نوكە ب تنی بەردەوامم كەڤنترین وێنەكێشی رەش و سپی مە ل هەولێری.
تەكەزكر : داهاتێ‌ ژیانامن ب تنێ‌ لسەر وێنە كێشانێ‌ یە ، من پێشانگەه ڤەكرینە ل كارێ‌ خوە بەلێ‌ د هەماندەمدا ئەز لسەر جادەیا ب ناڤ و بانگ ل هەولێرێ‌ كار دكەم رۆژانە وەلاتی كارێ‌ من دبینن سەرسامیا خوە نیشان ددەن ئەڤە بۆمن جهێ‌ دلخوشیەكا مەزنە.

زۆرترین بینراو