قوتابییە یەکەمەکانی پۆلی 12ی ئامادەیی پەروەردەی رواندزی خەڵات کران

قوتابییە یەکەمەکانی پۆلی 12ی ئامادەیی پەروەردەی رواندزی خەڵات کران

زاری کرمانجی - رواندز : ئێوارەی ئەمڕۆ سێشەممە رێکەوتی ١٥-٦-٢٠٢١ لە مەڕاسیمێکی تایبەتدا،بەئامادەبوونی بەرپرسانی حکومی وحزبی و رێکخراوەکانی کۆمەڵی مەدەنی و قوتابییان و کەس و کاریان، پڕۆژەی گەشتیاری شنگلبانە، قوتابییە یەکەمەکانی پۆلی ١٢ی ئامادەیی لە سنووری پەروەردەی رواندز خەڵات کرد .
شێخ هادی، لە کارگێڕی شنگلبانە بەزاری کرمانجی راگەیاند: وەک پڕۆژەی گەشتیاری شنگلبانە لەسەر بڕیاری حازم کوردە بەڕێوەبەری گشتی پڕۆژەی گەشتیاری شنگلبانە، ئەمساڵیش لە مەڕاسیمێکدا خەڵاتی ماددیمان پێشکەشی  قوتابییانی پۆلی ١٢ ەی ئامادەیی کرد، ئەوانەی لە خوێندنی ساڵی پار پلەکانی یەکەم و دووەم و سێیەمیان بەدەست هێنابوو لە هەر دووبەشی زانستی و وێژەیی.
لای خۆیەوە حازم کورد، خاوەنی پڕۆژەی گەشتیاری شنگلبانە کە بەشێوەی ئۆنلاین لەوڵاتی سویدەوە بەوتارێک بەشداربوو، بۆ زاری کرمانجی گووتی : پاڵپشتی خۆمان بۆ قوتابییان دووپاتدەکەینەوە ، ئێمە وەک شنگلبانە بەردەوام دەبین بۆ هاوکاری و یارمەتی دانی قوتابییان بەتایبەت ئەوانەی لەپۆلی ١٢ ەی ئامادەیی پلەکانی یەکەم و دووەم و سێیەم بەدەست دێنن، ئەمساڵیش بۆ شەشەم ساڵ لەسەر یەکتری ئەو مەڕاسیمەمان بۆ قوتابییان رێکخستووە.
یەکەمەکانی هەردوو بەشی زانستی و وێژەیی تاکو زانکۆش تەواو دەکەن ساڵانە خەرجیان لەلایەن شنگلبانەوە بۆ دەکرێت،ئەمەش لەپێناو هاندانی قوتابییان تاوەکو بتووانن نمرەی بەرزتر بەدەست بێنن.

 

 

 

 

 

 

 

 

 

 

 

زۆرترین بینراو