مەسروور بارزانی داوای بە سزا گەیاندنی ئەنجامدەرانی هێرشەكە شەوی رابردوو دەكات

مەسروور بارزانی داوای بە سزا گەیاندنی ئەنجامدەرانی هێرشەكە شەوی رابردوو دەكات

ئەمڕۆ شەموو 31ـی تەمووز، مەسروور بارزانی سەرۆك وەزیرانی هەرێمی كوردستان لە تویتێكدا دەڵێت، زۆر نیگەرانم لەو هێرشەی كراوەتە سەر خێزانێكی كورد لە كۆنیا، سەرەخۆشی قووڵی حكوومەتەكەم بە كەسوكاری قوربانیان دەگەیەنم.

سەرۆكی حكوومەت باس لەوەش دەكات، پێشبینی دەكەم ئەنجامدەرانی هێرشەكە بە سزای خۆیان بگەن.

ئێوارەی دوێنێ‌ گرووپێكی نەژادپەرست لە شاری كۆنیای توركیا، هێرشیان كردە سەر خێزانێكی كورد و هەر حەوت ئەندامی خێزانەكەیان كوشت و ئاگریشیان لە ماڵەكە بەردا. ئەو خێزانە كوردە بە ڕەچەڵەك خەڵكی ناوچەكەن و لە ناویاندا ژن و منداڵیش هەیە. 

پاش ڕووداوەكە، پۆلیسی شارەكە گەیشتوونەتە شوێنەكە و تیمەكانی ئاگركوژێنەوە توانیویانە بەشێكی ماڵەكە لە سووتان ڕزگار بكەن، تەرمەكانیش هەڵگیراونەتەوە و ڕەوانەی پزیشكی دادی كراون.

زۆرترین بینراو