ساڵیادی زاری كرمانجی بەرز رادەگیرێت

ساڵیادی زاری كرمانجی بەرز رادەگیرێت

زاری كرمانجی-سۆران:
بەبۆنەی تێپەڕبوونی 16 ساڵ بەسەر دامەزراندنی دەزگای زاری كرمانجی كاتژمێر 10ی رۆژی شەممە 19ی6ی2021 بەڕێوەبەر و كارمەندانی ئەم دەزگایە پێشوازی لە میوانان دەكەن.
شایانی باسە دەزگای زاری كرمانجی، دەزگایەكی سەربەخۆی رۆشنبیریی و راگەیاندنە، لە 19/6/2005 لە شاری سۆران دامەزراوە.
ئەم دەزگایە لە چەند بەشێكی جیاجیا پێكهاتووە و لەسەر بنەمای بێلایەنی و پیشەیی بوون مامەڵە لەگەڵ رووداوەكان دا دەكات، لە ئێستاشدا (ئیسماعیل ئیبڕاهیم) وەك بەڕێوەبەرو دەیان كارمەند و پەیامنێر كاری رۆژنامەوانی و چالاكی رۆژنامەوانی لەم دەزگایە ئەنجام دەدەن.
بەشەكانی دەزگای زاری كرمانجی  بریتین لە ویبسایتێكی تایبەت بە هەواڵ و بەدواداچوونی رۆژنامەوانییە، لەگەڵ رادیۆیەك، كە رۆژانە بەرنامەكانی لەسەر شەپۆڵی فریكۆنسی FM MH 92.7 و بڵاودەكاتەوە، هەروەها كتێبخانەیەكی هەیە، كە ژمارەیەكی زۆری ناونیشانی پەرتووكی سیاسی و ئابووری و كۆمەڵایەتی و فەرهەنگی و ئەدەبی و زانستی لە خۆ دەگرێت. هەروەها هەفتانەی (زاری كرمانجی) ".
لە ساڵانی رابردووشدا دەزگای زاری كرمانجی (76) ژمارەی لە گۆڤاری (كۆوار)ی مانگانە، كە گۆڤارێكی بە دواداچوونی گشتی بوو، چاپ و بڵاو كردەوە. وێڕای بڵاوكردنەوەی پاشكۆیەكی وەرزشی بە ناوی (زاری كرمانجی سپۆرت)و هەفتەنامەی ئەدەبی نسێ‌ .
ئامانجی سەرەكی  ئەو دەزگایە، جگە لە گەشەپێدانی بواری رۆشنبیریی، خێراییە لە گەیاندنی زانیاری و رووماڵكردنی هەموو ئەو رووداو و هەواڵانەی لە كوردستان بە گشتی و دەڤەری سۆران بەتایبەتی روو دەدەن.‌

زۆرترین بینراو