پێویستە لە قۆناغی سەرەتایی گرنگی بە هونەر بدرێت

پێویستە لە قۆناغی سەرەتایی گرنگی بە هونەر بدرێت

محەمەد ئامۆكەیی- زاری كرمانجی:
 تارا محەمەد ئەمین، دەرچووی پەیمانگەی هونەرەجوانەكانی شاری سلێمانی بەشی شێوەكاری ساڵی 1987-1988ئەكادیمیای هونەری میللی (ڕاوڵاندی) خوێندوە لەنەرویج، ساڵی1999/Temark university college (Art) 2001 لە ووڵاتی نەرویچ ئەژیت لەگەڵ هاوژین و هەردوو كوڕەكەی لە سێپتێمبەری 1997وە تا ئێستا، تارا لە دیدارێكی زاری كرمانجی بەوردی باس لە گرنگی هونەری وێنەكێشان و ئەو ماددانەی بەكار دەهێندرێت  بۆ كێشانی تابلۆ هەندێ پرسی تری پەیوەست بە هونەر.
تارا محەمەد، كە چەندین ساڵە لەدەرەوەی ووڵات ئەژی دوور و نزیك ئاگای لەرەوەشی هونەرە لە كوردستان دەڵێت" هونەرمەندی دەستڕەنگین و ئاستبەرز هەیە لە تەواوی شارەكانی كوردوستان، بەڵام ئەوەی كە پێویستە و ئەكرێت ڕەوشی هونەری تیای گوزەر بكات، لەدەستی هونەرمەندانی پڕ ئەزموون ڕێ ناكات، هەر بۆیەش كاڵ و كرچی لە هەندێ پڕۆژەو هەندێ كاری هونەری بەرەدەوامی هەیە."
ئەو هونەرمەندە وێنە كێشە دەربارەی ئەوەی كاركردنی هونەر لە كورستان ئاسانترە یاخود ئەو شوێنەی لێی دەژی كە دەرەوەی ووڵاتە، ئاماژەی بەوەكرد" وەك لایەنی پراكتیك كاركردن لەووڵاتی غەریبی بۆمن ئاسانترە، بەڵام لەڕووی بابەتەوە بەدڵنیایی ئاسان نیە، بەگشتی شێوەو میكانیزمی كاركردنی من لەنیشتمان ئاسانتربوو.
 تارا باس لەوەشیكرد" ئەو كەرەستانەی بەكاری دێنم بۆ كێشانی تابلۆ هیچ زیانێكی نیە، تەنها زەیت نەبێ ئەویش هەموو ڕەنگەكانی نا پێم وایە هەندێ لەڕەنگەكانی ماددەی زینكی تێدایە، بەڵام لەمێژە زەیتم بەكار نەهێناوە لەبڕی ئەوە ئەكریلیك بەكاردێنم، ئەوە تەنها بۆ بەرچاوڕونیە من زیاتر كار بەئاوی و هەندێ كاری قەڵەم بۆیەو قەڵەم ڕەش دەكەم كەبێ زیانن."  
تارا محەمەد، جیاوازی هونەری وێنە كێشان لەگەڵ هونەرەكانی تر روون دەكاتەوە و زیاتر دەڵێت"جیاوازی هونەری وێنە كێشان لەگەڵ هونەرەكانی تر ئەوەیە خود كار لەگەڵ پانتاییەك دەكات و تێكەڵاو لە ڕەنگ یان هێڵكاری، هونەری شێوەكاری تێكەڵاو بوونی هەست و ئیحساسە لەگەڵ بابەت و هارمۆنیەت و كۆنتراستی جوانی ڕەنگەكان هەروەها هونەرێكی نەرمەو هێزی بازووی ناوێ هەروەها كۆمەڵێ بەهاو خەسڵەتی گشتی و تایبەتی هەیە، سەرەتا بۆ هونەرمەندەكە ئارامیەكی تەواو ڕۆحیە، ڕۆڵە گرنگەكەی ئەتوانێ ئاراستەیەكی كاریگەربێت بۆ وەرچەرخانی كۆمەڵگە و شۆڕش و پاڵنەرێك بێت بۆ بەدی هێنانی ئەو ئامانجە." لەڕوە پڕاكتیكەكەیەوە وە مامەڵەكردن لەگەڵ هونەری وێنە كێشان ئاسانترە لەهونەرەكانی تری وەك پەیكەر سازی و سیرامیك و.......هتد. بۆ نمونە شوێنی كاری كەمتری ئەوێ كەمتر چوار دەوری خۆت شپرزە ئەكەیت، دواترو گرنگترینیشی ئەوەیە گواستنەوەی ئاسانترەو جێگا كەمتر ئەگرێت ئەتوانرێت چەند شوێنێك  بە تابلۆكان  بكرێت  بگرە چەند شارو ووڵاتێكیش! و كەمترین زیانی بەربكەوێت. 
زۆرێك لە وانەی بەشەكانی هونەری لە زانكۆ و پەیمانگەكان تەواو دەكەن دواتر بەهۆكاری جیاواز دوور دەكەونەوە و یاخود بەجۆرێك رێگریان لێ ئەكرێت لەڵایەن خێزانەكانیانەوە، تارا لەسەر ئەمە گووتیشی" ئەو كەسانەی دوای تەواو كردنی پەیمانگەو كۆلێژی هونەر گرنگی بەهونەر نادەن، بەباوەڕی من چەند هۆكارێك هەیە بۆ بەردەوام نەبوون و دابڕانیان لە جیهانە فراوانەكەی هونەر‌، یەكەم ئەگەر خێزانداربن، واتا ژن بێت  یان پیاو، پێئەچێ باری قورسی ژیان هۆكارێك بێت بۆ ئەوەی هونەرەكەیان پشت گوێ بخەن، هەندێك لە ژنانیش‌ دوورنیە ڕێگر هاوسەریان بێت یان هەردوو ڕەگەز كەمتەر خەمی خۆیان بێت."   
ئەو هونەرەمەنە بۆچوونی خۆی لەسەر وانەی هونەر لە قوتابخانەكان خستەڕوو زیاتر دەشڵێت" هونەر بەگشتی و هاوتەریب هونەری وێنە كێشانیش لەڕابردودا لە قوتابخانە سەرەتاییەكاندا گرنگیەكی ئەوتۆی پێنەئەدرا، بگرە زۆر كات وانەی وێنە بەكار ئەهێنرا بۆ ماددەكانی تر ئەمەش هۆكاری نەرێنی هەبوو لەسەر ڵاوازبوونی ئارەزووی منداڵە بەهرەمەندەكان، هەروەها بەرەو داڕمانی ئەبردن، ئامانجەكەش پێگەیاندنی نەوەیەكی ڕۆبۆتكراوو كۆمەڵگەیەكی دوور لە ئارەزووە هونەریەكانی ئەخولقاند ئەوەشی ئەبووە هونەرمەند پێداگیری خۆی و پاڵپشتی كەسانی دڵسۆزی بوون، خۆشبەختانە ئێستا لەقوتابخانەكان و تەنانەت زۆرینەی خێزانەكان گرنگی زۆر بە لایەنی هونەر ئەدەن، بەڵام هێشتا تەواوی كۆمەڵگە كارە هونەرییەكان بەو نرخ و بەهایە تەماشا ناكەن كە پێویستە، بۆ نموونە تا كارێكی بازاڕی كۆپی پرێنت هەبێت پێیان باشترە لەكارێكی ئۆرجیناڵی هونەرمەندێك كە شوێن فڵچەو هەست و ڕەنگە زیندوەكانی، لەسەر تابلۆكەن !

زۆرترین بینراو