شێروان بازی :  گۆرانی گووتن ئارامی بە دڵم دەبەخشێ

شێروان بازی : گۆرانی گووتن ئارامی بە دڵم دەبەخشێ

رەمەزان هەرنی – بارزان :
 شێروان بازی كوڕە هونەرمەندی دەڤەری بارزان لە زۆربەی ئاهەنگ و چالاكییە هونەرییەكانی دەڤەرەكە گۆرانی دەڵێ و خاوەن چەندین بەرهەمی هونەری خۆیەتی.
شێروان لە دیمانەیەكی كورتی زاری كرمانجی دەڵێ‌"ماوەیەكی زۆرە گۆرانی دەڵێم و بەردەوامیش دەبم، چونكە گۆرانی گووتن ئارامی بە دڵم دەبەخشێ"،
شێروان بەمشێوەیە باس لە كلیپ دەكات و دەڵێ‌"لەسەردەمی ئێستا ئەگەر كلیپێك بەرهەم بهێنێت، دوای خەرجییەكی زۆر، تەنها لە تۆڕە كۆمەڵایەتییەكان بڵاو دەبێتەوە و هیچ سوودێكی ماددی بۆ هونەرمەند نابێ"،
ئەو باس لە پشتیوانی خانەوادەكەی و هەروەها پاڵپشتی و هاوكاری هونەرمەندان (مەمەد بەرۆژی) و (كازم سازڤان) دەكات بۆ كارەكەی و ئەوەش ئاشكرا دەكات كە زۆربەی چالاكییە هونەرییەكانی لە كافێ و ئاهەنگی بووك گواستنەوە دەبێ و دەڵێ"زۆرترین كات لە كافێ و ئاهەنگی بووك گواستنەوە لەگەڵ چەند برادەردێكم گۆرانی دەڵێن و هەندێ جاریش هەر لە ماڵەوە لەگەڵ ژەنینی ساز گۆرانی دەڵێم"،
شێروان باس لە گۆرانی (بەلێ بارزان) دەكات كە پێشوازییەكی باشی لێكراوە و باس لەوەش دەكات ئێستا كار لەسەر دوو بەرهەمی تر دەكات"ماوەیەك بەر لەئێستا گۆرانییەكم بە ناوی (بەلێ بارزان) بڵاوكردەوە، پێشوازییەكی باشی لێكرا لەلایەن هاووڵاتیانەوە، بۆیە ئێستا خەریكی ئامادەكردنی دوو بەرهەمی ترم بە ناوەكانی (بارزان) و (بلا تە چاڤ ل خۆ هەبیت) لە ماوەیەكی نزیكدا بڵاو دەبێتەوە.

بابەتى پەیوەندیدار جۆراوجۆر

زۆرترین بینراو