قەتەر داوای ئۆلیمپیاد دەكات

قەتەر داوای ئۆلیمپیاد دەكات

زاری كرمانجی- ئاژانسییە هەواڵییە وەرزشییەكان: بە شێوەیەكی فەرمی وڵاتی قەتەر رەزامەندی خۆی پیشاندا بۆ ئەوەی باوەش بكاتەوە بۆ یارییەكانی ئۆڵیمپیادی هاوینەی ساڵی 2032، كە ئەم پاڵەوانێتیيە دوای 10 ساڵ لە بەڕێوەچوونی یارییەكانی مۆندیالی 2022 قەتەر ئەنجام دەدرێت.
بەرپرسی نوسینگەی پەیوەندییەكانی لیژنەی ئۆڵیمپی قەتەری (شێخ جوعان بن خەلیفە ئال پانی) لە بەیانێكی فەرمیدا ئاشكرایكرد" بە مەبەستی وەرگرتنی مەلەفی یارییەكانی ئۆڵیمپیادی 2032 لەگەڵ لیژنەی رێكخستنی یارییەكانی ئۆڵیمپیادی جیهانی گفتوگۆمان كردوە، لە پێناو ئەوەی مافی بەڕێوەچوونی ئەو یارییانە بەدەستبهێنین، لە پێناو بەڕێوەچوونی پاڵەوانێتیەكی جیاواز و بەرەوپێشچوونی زیاتری وەرزش لە وڵاتی قەتەر".
جگە لە قەتەر هەریەكە لە وڵاتەكانی هیند و ئوسترالیا و چین خۆیان بۆ میواندرای كردنی ئەو پاڵەوانێتەیە پاڵاوتووە، لەگەڵ مەلەفێكی هاوبەش لە نێوان هەردوو پایتەختی كۆریا و بۆ لەباوەشگرتنی ئەو پاڵەوانێتیە.
یارییەكانی ئۆڵیمپیادی 2020 ئێستا لە تۆكیۆی پایتەختی ژاپۆن بەڕێوەدەچێت، ئۆڵیمپیادی 2024یش لە پاریس و 2028 لە لۆس ئەنجەلۆس بەڕێوەدەچن.
ئەگەر بێت و وڵاتی قەتەر بتوانێ مافی میوانداریكردنی ئەو پاڵەوانێتیە بەدەستبهێنێت، دەبێتە یەكەمین وڵات لە رۆژهەڵاتی ناوەڕاست كە پاڵەوانێتیەكی لەو شێوەیە لە ئەستۆ بگرێت.

زۆرترین بینراو