فوئاد سەعید: رۆلی پارێزەران لەبەردەم ئەرکێکی ئەخلاقی و مرۆڤایەتیدایە

فوئاد سەعید: رۆلی پارێزەران لەبەردەم ئەرکێکی ئەخلاقی و مرۆڤایەتیدایە

 

محەمەد ئامۆکەیی _ زاری کرمانجی: لە دیدارێکی رادیۆی زاری کرمانجی پارێزەری راوێژکار فوئاد سەعید، باسی لە رۆلی پارێزەران کرد لە ئاشتکردنەوەی ئەو خێزانانەی کە بڕیاری جیابونەوەیان داوە بەهەر هۆکارێک، رایدەگێنێت" رۆلی پارێزەران لە ئاشتكردنەوەی نێوان هاوسەران(ژن و مێرد) دەورێكی كاریگەریان هەیە لەسەر پێكهێنانەوەی خێزان، هەر كاتێك ژن و پیاو لەكاتی هەر كێشەو گرفتێكی خێزانی روو لە دادگاكان و پارێزەران دەكەن، مەبەستی تۆماركردنی سكاڵا و تۆماركردنی داوای باری كەسی لەسەر یەكتری تاكو دادگاكان كێشەو گرفتەكانیان بۆ چارەسەر بكات، لێرەدا رۆلی پارێزەران لەبەردەم ئەركێكی ئەخلاقی و مرۆڤایەتیدایە، ئەرك و بەرپرسیارتیەكی گەورە لەبەردەم پارێزەراندایە، ئایا بیر لە ئاشتەوای ئەم خێزانە دەكاتەوە، یاخود مەبەستی بەدەستهێنانی ماددیاتە لە كەسێەكانی خێزانی، هەڵبەتە زۆری پارێزەران بەوپەری ئەخلاق و ویژدانەوە بیر لە پێكهێنانەوەی ئەو ژن و مێردە دەكەنەوە تاكو بگەڕێنەوە ژیانی ئاسایی خۆیان هەروەك چۆن لە سەرەتایی ژیانی هاوسەریتیان ژیانێكی خۆش و رێكیان بەرێكردوە، پارێزەران هەموو رۆل و توانای خۆیان خستۆتەر گەر بۆ ئەوەی هیچ كات شیرازەی خێزان تێك نەچێت و هەڵنەوەشێتەوە، بەتایبەت ئەو خێزانانەی خاوەن منداڵن، چونكە لێكترازانی خێزان تاكە زەرەرمەند لەو بابەتە تەنها منداڵەكانن، ئەمەش وادەكات منداڵەكان بێبەش بكرێن و لەنازو پەروەردەی دایكی و باوكیان، بۆیە ژن و مێرد هەر كاتێك كێشەو گرفتێك كەوتە نێوانیان هەوڵ بدەن بە رێگایەكی باش  بیر لە كێشەكانیان بكەنەوە بەشێوەیەكی ژیرانە كێشەكانیان چارەسەر بكەن،  تاكو ئایندەی خۆیان و دوارۆژی منداڵەكانیان دیاری بكەن.

زۆرترین بینراو