ئاڤا ئاكرێ‌ : رەوشا ئاڤێ یا خرابە 48 دەمژمێرا ب تنێ‌ دوو دەمژمێرا ئاڤ دهێتە دابەش كرن

ئاڤا ئاكرێ‌ : رەوشا ئاڤێ یا خرابە 48 دەمژمێرا ب تنێ‌ دوو دەمژمێرا ئاڤ دهێتە دابەش كرن

زاری كرمانجی : دەمەكە وەلاتیێن سنووری قەزا ئاكرێ‌ و ناحیەو گوندێن دەردوور چاڤەرێ‌ تەمامبوونا پرۆژێ‌ ستراتیژیێ‌ ئاڤا ئاكرێ‌ دكەن كۆ ژ زێێ‌ قەندیل دهێتە راكێشان بۆ ئاكرێ‌ و دەردوورێن وێ‌ بەلێ‌ دەمێ‌ چەندین سالایە كار لسەر پرۆژەی دهێتە كرن و نەهاتیە تەمامكرن هەتا نوكە سالا بووری حوكمەتا هەرێمی كۆژمەیەك مەزاختیە بۆ تەمامبوونا پرۆژی مەزنێ‌ ئاڤا ئاكرێ‌ و نوكە پرۆژە ل قوناغا دووماهیێ‌ دایە و چاڤەرێ‌ دهێتە كرن ئەڤسالە بكەڤیتە كاری و ئاڤ ل وی پرۆژەی بهێتە دابەشكرن لسەر وەلاتیێن سنوورێ‌ قەزا ئاكرێ‌.
عەزو عەزو ، پەیڤدارێ‌ رێڤەبەریا ئاڤا ئاكرێ‌ بۆ زاری كرمانجی  راگەهاند : ل سنورێ قەزا ئـاكرێ 268  گوند هەنە و  ئاریشا كێم ئاڤیێ یا هەی ئەوژی ژبەر ژمارا زۆرا ئـاكنجیا و نەتمامبوونا پروژێ ئاڤێ یێ سەرەكی  قەندیل ئاكرێ،سەنتەرێ ئاكرێ رەوشا ئاڤێ یا خرابەو ب تنێ‌  48 دەمژمێرا دوو دەمژمێرا ئاڤ دهێتە دابەش كرن،پرۆژێ ئاڤا ئاكرێ یێ‌  سەرەكی ژی  دقوناغێن بجهئینانێ‌  دایە هەتا نوكە نیزیكی 70% تەمامبووە.
گوتژی : كۆلانا بیرا بەرپرسیاریەتا مە نییە وەك رێڤەبەریا ئاڤا ئاكرێ ئەو پتر گرێدایە ب هوبا ئاڤا ژێر زەڤی ڤە.بەلێ‌ وەكو دیار رێژەكا زۆرا بیرێن چاندنێ‌ هاتینە كۆلان وئەڤ یەك ژی تارادەكی كارتێكرن ل بیرێن ئاڤا ڤەخارنێ كری یە ل دەڤەرێ‌.
خویاكر : دپلان دایە چەندین بیر بێنە كۆلان و پروسێسا كرێ گرتنا تانكەرا دووبارە بزڤریت وبوڤێ چـەندێ چەندڤە دیتنەك ونڤیسار مە ئاراستەی جهێن بلند كرینە و تێدا هژمارا گوند و گەرەكێن پێدڤی كۆ ئاڤ ب تانكەرا بۆ بهێتە دابینكرن هاتینە دیاركرن هەمی لایەن ژی هاتینە ئاگەهداركرن كو ب زووترین دەم پروژێ سەرەكی و ستراتیژیێ‌  قەندیل ئـاكرێ  بهێتە تەمامكرن .
ئاشكراكر : ئەڤ سالە هشكە سالیێ كارتێكرنەكا زۆر كریەگەلەك بیرو كانی هشك بوونە و بویە ئەگەر كێم ئاڤیێ چەند جهێن جودا جودا ل سنورێ قەزا ئاكرێ،وەكو قوناغا ئكێ حوكمەتێ‌ كوژمەكێ پارەی مەزاختیە بو رووبرووبوونا هشكەسالیێ د نوكە دا چەندین پرۆژەل سنورێ قەزا ئاكرێ دبوارێ بجهئینانی دانە وەك  قوناغا ئێكێ وەكو سەخبێكرنا پروژێ سەرەكی گردەسێن ئاكرێ و پروژێ ئاڤا  باكرمان و كوڵانا شەش بیرا و دانانا تۆرا ئاڤێ بۆ چەند گەرەك  و گوندا ل سنورێ قەزا ئاكرێ‌ ، حكومەتا هەرێمێ سوزدایە كۆ قوناغا دوێ ژی كۆژمەكی پارەی تەرخان بكەت بۆ رووبرووبوونا هشكەسالیێ.
ناڤبری گوت : بەشەك ژوان پرۆژێن دقوناغا ئێكێ داكوهن دژوان تەمامبوو ینە وهندەك ژی كارلسەر دهێتە كرن وەك  سەخبێركرنا پروژێ گردسێن ئاكرێ و كولانا بیرا گوندێ كوركا ، كولانا بیرا گوندێ سماقوك ، كولانا بیرا گوندێ چمە سێل ، كولانا بیرا گوندێ سالە یی ، كولانا بیرا گەرەكا كوجینە ،كولانا بیرا گوندێ بێناتا گەهاندنا كارەبێ بۆ بیرێن گەرەكا كوردستان،كوجینە مەلا،كوجینە حسن. ل سنوورێ‌ قەزا ئاكرێ‌.

زۆرترین بینراو