راید بالەكی مەشاپ ب بەهدینی و سۆرانی بەلاڤكر

راید بالەكی مەشاپ ب بەهدینی و سۆرانی بەلاڤكر

زاری كرمانجی : دەمەك بوو من كار لسەر دروستكرنا بەرهەمەكێ‌ تایبەت دكر كۆ ژ هەشت تراكا پێك دهێت ب شێوەیێ‌ كوكتێل من تۆماركرو ڤیدیۆ كلیپ كر بناڤێ‌ مەشاپ ئەو پێشوازیا ل بەرهەمی هاتیە كرن بۆمن جهێ‌ دلخوشیەكا مەزن بوو.
سترانبیێژی گەنجی میللی راید بالەكی ددیدارەكێ دا بۆ زاری كرمانجی گوت :  دروستكرنا بەرهەم و سیدیا گەلەك ب زەحمەت كەفتیە چەند بوو من چو بەرهەمێن نو بەلاڤنەكری ژبەر نەبۆنا پشتەڤانیێ ژبەركۆ دەما كەسەك نەبیت پشتەڤانیا  هونەرمەندی بكەت د ێ رەوشێ دا دروستكرنا ستران و بەرهەم و سیدیا ب زەحمەت كەفتیە .
گوتژی : پشتی چاڤەریبوونەكا زۆر شیام نوترین كلیپ دروستكەم و بەلاڤكەم كۆ هەتا نوكە بینەرا ل كەنالێن تیڤی و یۆتیۆبێ پێشوازیەكا باش لێكریە و ئەركێ لسەر من سڤك كریە ب وێ پیشوازیێ، سترانا مەشاپ یوسف لەشكری دەرهێنان بۆ كریە  وەلات خەلیل كارێ‌ موزیكێ‌ .
خویاكر : نوترین سترانا من بناڤێ (مەشاب) كۆ ئەڤ سترانە ژ هەست سترانا پێكهاتیە چوار بەهدینی و چوار سۆرانی پتریا وان سترانێن فلكۆرن ئەڤ بەرهەمە ل كوردستانێ هاتیە دروستكرن و ڤیدیۆ كلیپ ژی ل كوردستانێ ل سه یرانگەهێن دەڤەرێن كوردستانێ هاتیە تۆماركرن و وێنەكرن و سترانێن بلەز من هەلبژاردن ژبەركۆ من ڤیا ب رێكا ستران و هونەرێ خۆ خوشیەكێ بدەم گوهدارو بینەرا ل نەخوشیا دووربكەم.
ئاشكراكر : من پرانیا سترانێ لسەر ئەركێ خۆ دروستكریە ئەڤە ژی بۆیە ئەگەر كۆ كێمتر بەرهەما دروستبكەم ئەگەر لایەنەك پشتەڤانیا هونەرمەندان نەكەت ل دەمێ دروستكرنا بەرهەم و ستران و كلیپا هونەرمەند نەشێت لسەر ئەركێ خۆ هەموو كاران بكەت و ئەگەر پشتەڤانی هەبیت بەرهەم و ستران هەنە كۆ كار لسەر بكەم بەلێ ژبەر نەبۆنا هاریكاریێ من راگرتینە.

بابەتى پەیوەندیدار جۆراوجۆر

زۆرترین بینراو