تیپی مەیدان 18ساڵی پڕ لە دەسكەوت و نازناوی گرینگ

تیپی مەیدان 18ساڵی پڕ لە دەسكەوت و نازناوی گرینگ

پشتیوان كەریم- سیدەكان :  تیپی وەرزشی مەیدان ماوەی هەژدەساڵ لەئاستێكی باڵادا یاری كردووە لە سنووری ناحییەی سیدەكان سەدان نازناویان تۆماركردووە, دوای 18 ساڵ یاریكردن بەچەند هۆكارێك تیپەكە نەیتوانی درێژە بە یاریەكانی خۆی بدات.
نەعمان ئەیوب: سەرۆكی تیپپی مەیدان لە ناحییەی سیدەكان  بەزاری كرمانجی راگەیاند" لەساڵانی 1996 بەشێك لە هاوڕێیانی دەڤەرەكە توانیمان تیپَكی وەرزشی دروستبكەین, كە لە كۆمەڵێك  هاوڕێ و گەنجانی دەڤەرەكە دروست بوو هەر لەسەرەتای دروستبوونی دەستمانكرد بە یاریكرد لە ناوچەكە توانیمان كە ساڵ بە ساڵ لە ریزبەندی پلەی یەكەم بین لەو سنوورە."
نەعمان ئاماژەشی بەوەكرد" كۆنترین تپیی وەرزشی لەسنووری ناحییەی سیدەكان لە ساڵی 2005  شەهید زبێر حالی سەرپەرشتی تیپی مەیدان بوو تا دواین چاڵاكی كە ساڵی 2014 بەردەوام بوو, هەروەها  لەسەرەتای دروستبونیەوە چەندین جار لە ئاستی قەزای سۆرانیش  تا پلەی دووەم توانیمان یاری بكەین, سەدان نازناویشمان وەرگرتووە, تاكو ساڵی 2014 توانیمان بەردەوامی بە تیپەكانمان بدەین, سەركەوتنی گەورە تۆماربكەین, هیچ یەكێك لە تیپەكان نەیان توانیوە لەو كات بەو ئاستەوە یاری بكەن و سەركەتنی گەورە بەدەست بهێنن."
ئاماژەشی بەوەكرد" پێكهاتەی تیپی مەیدان لە سەرەتای دروستبونیەوە بەكۆی گشتی یاریزان سەرۆك و سەرپەرشتیار پێكهاتبوون لە  30 یاریزان , هەروەها بەردەوام بوو لە سەركەتنەكانی تاساڵانی 2013, 2014  توانیمان بەردەوامی  بە تیپەكەمان بدەین , دوای ئەوەی بەشی  زۆری یاریزانەكانمان تەمەنیان روویان لە هەڵكشانكرد, دوای رۆیشتنی بەشێكی لە یاریزانان لە ناوچەكەو نەبوونی, بەشێك لەگەنجان حەزیاندەكرد درێژە بە تیپەكەی مەیدان بدەن, بەڵام دوای ئەوەی لەساڵانی 2014 بەهۆی  هاتنی چەكدارانی داعش بۆ نزیك هەرێمی كوردستان, بەشی هەرە زۆری یاریزانانی تیپی وەزشی مەیدان پێشمەرگە بوون لە بەرەكانی پێشەوەی جەنگدابوون نەیان توانی درێژە بە تیپەكەیان بدەن هۆكاری سەرەكیش ئەوە بوو كەوا نەمان توانی سەرپەرشتیاری كۆمەڵە گەنجێك بكەین كەوا تیپی مەیدان وەك خۆی بمێنێت و نوێ بونەوەیەكی دروستبكەین,  بۆیە كارو چاڵاكییەكانی تیپەكەمان لەوكاتەوە وەستا."

 

زۆرترین بینراو