زیوەر (عیشقی تۆ) بڵاودەكاتەوە

زیوەر (عیشقی تۆ) بڵاودەكاتەوە

دیدار-زاری كرمانجی:
 گەنجە هونه‌رمەند "زیوەر ئەزهەر قادر" لە دایكبووی 1994 خەڵكی شاری رواندز دانیشتووی سۆران، بە زاری كرمانجی گووت " هەرچەندە بڕوانامەی دیبلۆمم لە گەشتوگوزار بەدەستهێناوە، بەڵام خواستی من لەسەر بواری هونەری وایكردووە كە ئەم بوارە هەڵبژێرم و هەر لە تەمەنی منداڵیمەوە دەست بەكاری هونەری موزیك و گۆرانی بكەم، لەسەرەتاوە لە شاری سۆران لە گروپی (دەنگی لاو) دەستم بەكاری هونەری موزیك و گۆرانی كرد، دواتریش لەسەر هونەرەكەم بەردەووام بووم و تا ئێستا لە چەندین ئاهەنگ بەشداریم كردووەو خاوەنی پێنج گۆرانی تۆمار كراوم بەناوەكانی (قسمەت، زام، دڵتەنگی، بانگم مەكە، خۆشەویستی) لەگەڵ سێ‌ كلیپی گۆرانی كۆتا كلیپم بەناوی (خۆشەویستی) كە دوێت لەگەڵ هونەرمەند هیوا محەمەد، لە رۆژهەڵاتی كوردستان كاری موزیك و كلیپی بڵاوكردەوە لە ساڵی 2020".
گووتیشی " لە ئێستادا سەرقاڵی (3) بەرهەمی دیكەم، بەناوەكانی (عیشقی تۆ، دەریا، هیچ كات ناگەی بەدیدارم) لە رۆژهەڵاتی كوردستان كاری موزیكیان كراوە، كە تراكی (دەریا) هی هونەرمەند مامۆستا "كاوە كاوانیە" لەكاتی خۆیدا بڵاوی دەكەینەوە، هیوادارین رەزامەندی گشت لایەك بێت.

زۆرترین بینراو