تەمەنێك لە خەبات و تێكۆشانی كوردایەتی و كۆڵ نەدان

تەمەنێك لە خەبات و تێكۆشانی كوردایەتی و كۆڵ نەدان


ئامادەكردنی:
 هۆزان هێرش خاڵ هەمزە

زۆرن ئەو دڵسۆزانەی كوردستان، كە هەڵگری پەیام و خەباتی پارتی و بارزانین و زۆربەی تەمەنیان لە پێناو ئازاد كردنی خاك و نیشتیمانەكەیان تەرخان كردووەو بەردەوامیشن لەخەبات و تێكۆشان، یەكێك لەو قارەمانانە "مەلا یەزدین سلێمان كۆلەكی" خەڵكی دەڤەری بارزان، كە زیاتر لەنیو سەدەیە چەكی پێشمەرگایەتی كردووتە شان و بەشداری لە چەندین داستان و نەبەردی كردووە.
  مەلا یەزدین سلێمان كۆلەكی، لە ساڵی 1959 لە گوندی كۆلەكا لە دەڤەری بارزان لە سنووری قەزای مێرگەسۆر، چاوی بەدونیا هەڵێناوە، لەتەمەنی 3 مانگیدا دایكی لەدەستداوە و لەلایەن داپیری (سیڤ عەبدلڕەحمان) بەخێو كراوە، دوای ئەوەی تەمەنی دەبێتە شەش ساڵی روودەكاتە قوتابخانەو تا پۆلی 3ی بنەڕەتی دەخوێنێت دواتر بەهۆی چەند هۆكارێك لەخوێندنەكەی دادەبڕێت، لەتەمەنی 29 ساڵی ژیانی هاوسەری پێكدەهێنێت، دواتر لەساڵی 1979 چەكی پێشمەرگایەتی دەكاتە شانی، بەهۆی بوێری و چاو نەترسی بەشداری لە چەندین شەڕو قارەمانیەتی دەكات لە ناوچەكانی (حاجی ئۆمەران، لۆڵان، قەندیل، دۆڵەمەتوی، گەلی رەش، مێرگەسۆر) كە لەگەڵ چەندین داستانی دیكەی نەبەرد بۆ پارێزگاری كردن لە خاكی كوردستان".
 وەك باسیشی لیوەدەكات "لە زۆربەی ئەم  شەر ِو بەرگریانەیدا لە خاكی كوردستان، سەرۆك بارزانی تێدا بەشداری كردووە و پێشمەرگە قارەمانەكان چەندین شەهید و قوربانیان داوە، لە پێناو ئازداكردنی خاكی كوردستان، بەڵام ورەی بەهیز و هەستی نەتەوایەتی و كوردایەتیان هیچ كات كۆڵی پێنەداون و لە پێناو لە بەرامبەر دڕندەترین دوژمن جەنگاون".
 مەلا یەزدین كۆلەكی، وەك پێشمەرگەیەكی رێبارزی پارتی و بارزانی لە سەردەمی شۆرشدا تا راپەڕینی بەهاری 1991 بەردەوام لە خەبات و تێكۆشانی چەكداری دابووە، لە بەشداری كردن لە شەڕو قارەمانیەتییەكانیدا، لەو ماوەیەشدا هاوشێوەی هەزاران خێزانی دیكەی كوردستان، دووچاری ئاوارەیی بووەتەوە، لەساڵی 1998 لە پەنابەرایەتی وڵاتی ئێران، گەڕاوەتەوە كوردستان، ئەو كاتیش بووتە پاسەوانی سەرۆك بارزانی و درێژە پێدەری خەبات و تێكۆشانی بووەو هەرگیز ئامادە نەبووە بۆ دووژمن سەری شۆڕ بكات".
 مەلا یەزدین سلێمان كۆلەكی، لە شەڕەكانی ئازادكردنی شاری كەركووك و شەڕی دژ بە تیرۆرستانی داعش، رۆلی بەرچاوی هەبووەو هەر لەكاتی دەست پێكردنی یەكەم شەڕی داعش وەك پێشمەرگەیەك لە میحوەرەكانی مەخموور تا دەگاتە رەبیعەو زومارو سنونی و مەحموودیەو شنگال و چەندین شەڕی دیكەی بەرگری كردن لە خاكی پیرۆزی كوردستان بەشداری كردووەو هەمیشە پەیامی ئەوە بووە، ئامادەیی دەربڕیووە لەپێناو بەرگری كردنی لە  خاكی پیرۆزی كوردستان گیانی ببەخشێت و بەردەوام بێت لەسەر رێبازی پارتی و بارزانی، كە تا ئێستا كورد لەم پێناوەدا دەربەدەری و ماڵوێرانی و هەزاران شەهید و قوربانی داوەو ئەم خەبات و بەرخودانەش بەردەوامی هەیە". 
مەلا یەزدین سلێمان كۆلەكی، دەشڵێت " هەروەك چۆن لە سەرتاوە چەكی پێشمەرگایەتیم كردۆتە شان و بۆ ئازادی گەلەكەم جەنگاوم، ئامادەشم تادوا ساتەكانی ژیان بەرگری لە خاك و نیشتیمانەكەم بكەم، لە هەرشوێنێك مەترسی لەسەر خاكی كوردستانەوە هەبێت، روو لەم شوێنە بكەم و نەهێلێن دوژمن خاك و كوردستانمان داگیر بكات، چونكە ئێمە پەروەردەی قوتابخانەی بارزانین، را نەهاتووین لەسەر ئەوەی زۆڵم و زۆرداری قبول بكەین، بەڵكو ئامادەین تێ بكۆشین لە پێناو ئازادی و رزگار كردنی خاكی پیرۆزی كوردستان لەدەست دوژمنانمان. 

زۆرترین بینراو